鞏俐深夜打羽球貼身又火辣　側身晒驚人曲線好身材

國際影星鞏俐畀人印象係雍容華貴，平時都多以性感高貴晚裝示人，不過近日網上就流出佢深夜打羽球嘅靚相，好少畀人見到佢活力一面，今次佢以白帽、白衣搭配黑短褲現身，簡約又貼身，精神狀態同體魄都非常健康，令人見前一亮。曾自稱每周要做4次有氧運動嘅佢，呢身打扮顯得佢有樣有身材，點睇都唔似即將「登六」，即使佢未有大晒澎湃事業線，但緊身上衣就凸出佢嘅誘人曲線，蛇腰更係明顯，短褲仔又露出白滑長腿，的確係令唔少女士羨慕。

東網網站 : https://on.cc/東網Facebook專頁 : https://www.facebook.com/onccnews/