楊茜堯食得健康　親揭當年食蟲恐怖經歷

視后楊茜堯主演的台慶劇《黑色月光》正在熱播，她也積極經營其社交網，不時拍片分享生活點滴，近日她上載視頻公開其午餐盒，原來茜堯午餐只吃蔬果，包括奇異果、蔬菜及紅腰豆，她解釋因為工作，所以會想食得清淡些：「奇異果其實係畀我個仔同個女，不過我阿媽見我出去做嘢，所以益我。」

但當她開始用餐時發現叉子竟然有食物殘渣，她即時「哇」了一聲兼勁大反應表示：「我（工人）姐姐冇幫我洗乾淨隻叉呀 ！好污槽呀！」跟住她平靜下來說：「處女座發作，唔該洗一洗先。」她邊吃邊分享自己的食蟲經驗：「西洋菜我喺個口度咬，Bo一聲爆咗，枝豆我打開嚟食，有一條蟲瞓咗喺入面，紫菜湯最後一啖入面，有烏蠅，我同蟲係有仇。」她又指每次工作都會準備熱水壼，問到有否帶由老公羅子溢為她定制的熱水杯時，她說：「有，佢返嚟嘅時候我問佢，點解你自己唔留一個，佢話我留嚟仲乜，你咁大個人喺我身邊。」不經意放閃。

東網網站 : https://on.cc/東網Facebook專頁 : https://www.facebook.com/onccnews/