叱咤記招｜ERROR幫MIRROR祈福攞獎 保錡認邀菊梓喬睇波

男團ERROR今天（4日）出席叱咤頒獎禮記者會，4子表示會出席明年1月1日的頒獎禮，他們表示上大嶼山主要是到寶蓮寺，幫MIRROR祈福得獎，阿Dee（何啟華）指ERROR最擅長叼光，希望每年去坐，有日坐到終於開竅，可以上台攞獎。193（郭嘉駿）坦言：「我們呼之欲出一定冇獎，每年都會去坐，肯定冇啦！以為係我哋個台咩？有獎我哋4個一齊切。」

早前吳保錡被指背緋聞女友菊梓喬（Hana）暗追「體育女神」黃捷穎，近日又被發現Hana到足球場睇他踢波，他直認：「佢係睇我踢波，係我邀請佢，其實私人事都想盡量講少啲，大家畀番啲私人空間我，我都係同大家一樣，係揸住香港身分證嘅普通市民。」對於Hana被指宣泄主權，保錡不欲多談，但否認不開心，他說：「因為我隻右眼踢波時，畀人批踭瘀咗，個樣睇落好似唔開心，𠵱家睇嘢矇矇哋，本身想請假，但希望到場支持。」對於被指追求黃捷穎，他即道：「冇關係嘅，唔使講，講完！（很多飛來蜢？）其實都冇。」

（即時娛樂）