黃翠如挺巨肚出席活動　對甜品失去抵抗力已增重6公斤

準媽媽黃翠如（Priscilla）今（1月9日）穿上粉紅色露肩鬆身裙到商場出席活動。她表示自己已增重6公斤，肚圍已過90cm，醫生亦指BB很健康，尺碼正常。

出席 Sesame Street x LINE FRIENDS新春甜蜜派對主題活動的黃翠如表示，自己懷孕後很愛吃，連看到商場裝置上的甜點，都感到肚餓：「自從有咗BB之後胃口真係好好，特別係對甜嘢無晒抵抗力。」她又指，老公蕭正楠（Edwin）不停為她煮食，又說她比以前挑剔。他們目前愛到不同餐廳吃飯，必定會叫多過兩個人的分量。

黃翠如又讚老公體貼，除下廚外，還會做家務，見她抽筋又會為她按摩，又怕砌BB床時要「揼釘」，著黃翠如在超市購物等待，自己卻砌床砌到手損。

黃翠如早前已透露BB將於蛇年出世，但懷孕周數及預產期幾時公布要由長輩決定，只透露BB遺傳了老公的大頭，胎兒的頭圍偏大，有機會要開刀分娩。出名慳家的黃翠如笑指自己要努力搵奶粉錢，但預計農曆新年後停工待產，笑言屆時就可以放蹤任吃，又會率先幫BB逗定利是！「BB未出世已經有好多哥哥姐姐錫啦，所以今個新年都會抽多啲時間見吓屋企人同埋同朋友，盡量都想抱着輕鬆心情，所以會安排適量工作、適量休息！」

人緣極佳的她更指一早已經向定身邊幾位星級媽媽好友取經，自己又有照顧兩位妹妹的經驗，所以相信自己換片及清潔都無問題，反估計老公肯定「雞手鴨腳」，所以下星期會與老公上產前課程，學習照顧BB。