45歲周勵淇Netflix劇做阿媽　女兒係35歲劉雅瑟：O晒嘴

由陳偉霆、劉雅瑟、馮德倫、謝君豪及周勵淇等演出的劇集《太陽星辰》（See Her Again），是騰訊視頻和Netflix首部同步聯播的華語懸疑劇。除了令人驚喜的演員陣容，幕後班底亦夠晒份量，導演是拍攝過電視劇《東方華爾街》的黃國強；編劇由電影《怒火．重案》唐耀良負責，電影《湄公河行動》朱鏡祺和劉小群負責劇本顧問。

周勵淇（Niki）為《太陽星辰》久休復出，於劇中飾演一名犯罪心理學醫生，亦是馮德倫的太太。Niki透露多年前已於電影《天行者》跟馮德倫飾演情侶，這次再度合作「升呢」做夫妻，感覺有趣。除此之外，Niki表示這次最大挑戰是飾演影后劉雅瑟母親，坦言一知道即「O嘴」：「第一次同雅瑟合作，佢做我個女，對於我嚟講係有啲挑戰，一開始覺得：『咦，可唔可以做到佢媽媽呢？』我哋由後生飾演到老，所以喺造型上都幫助到唔少。而到時大家就會知道，點解我會飾演到有一個咁大個女嘅媽媽。」

對於「全面復出」，Niki笑說其實從來「冇退出過」：「我的小朋友都開始大，覺得可以喺幕前做返多啲嘢，陸陸續續工作得比以前多，有好嘅劇本、好嘅角色都想嘗試。嚟緊會做劇嘅宣傳，同埋會喺內地一段時間拍攝。」除了電影、電視，Niki表示想嘗試做舞台劇，「我覺得舞台劇充滿好多挑戰，好多神秘感喺裡面，希望有機會有一日可以成為一個舞台劇演員。」

《太陽星辰》講述90年代的香港重案組警察楊光耀（陳偉霆飾），意外來到2018年，遇到與自己同齡的拍檔陳凱晴（劉雅瑟飾）。兩人圍繞著撲朔迷離的凶案線索，為了心中正義與世間公平，攜手追查塵封多年的連環殺人案的故事。