曾愷玹罕晒夫妻合照　11年婚姻近況曝光

台灣女星曾愷玹憑清新、出眾氣質圈粉無數，並因喺周杰倫嘅MV《我不配》飾演女主角，被網友封為「最美J女郎」，未料正當事業巔峰之際，2013年同圈外男友結婚並育有一女之後，專心相夫教女嘅佢更係逐漸淡出幕前，不過仍不時透過社交網同粉絲分享生活點滴。

雖然曾愷玹嘅家庭生活頗為低調，結婚11年嘅老公更從未露過全臉，幾乎以背影或半臉出鏡，但仍無阻曾愷玹放閃晒恩愛，日前更晒出夫妻合照，其中一張2人喺鐵窗後，雙手緊握欄杆嘅合照，更係充滿「鐵窗邊緣」嘅Feel，曾愷玹更有趣道：「這是結婚11年的詮釋。」

東網網站 : https://on.cc/東網Facebook專頁 : https://www.facebook.com/onccnews/