請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

陳山聰叫發哥做「周老師」 催胡定欣結婚:快啲請飲

明報

更新於 2天前 • 發布於 01月05日06:23
陳山聰盼在賽道上遇見周潤發。(林祖傑攝)
陳山聰盼在賽道上遇見周潤發。(林祖傑攝)
朱敏瀚表示只睡了2小時,但平時有練跑,所以應付到2公里;陳瀅新一年的目標是做個健康的人。(林祖傑攝)
朱敏瀚表示只睡了2小時,但平時有練跑,所以應付到2公里;陳瀅新一年的目標是做個健康的人。(林祖傑攝)
陳山聰、陳瀅、朱敏瀚等今日由無綫高層樂易玲帶隊,到港珠澳大橋(香港段)參與2公里賽事。(林祖傑攝)
陳山聰、陳瀅、朱敏瀚等今日由無綫高層樂易玲帶隊,到港珠澳大橋(香港段)參與2公里賽事。(林祖傑攝)

陳山聰﹑陳瀅﹑朱敏瀚﹑阮浩棕﹑孔德賢和胡鴻鈞等,今晨(5日)由無綫高層樂易玲帶隊,到港珠澳大橋(香港段)參與2公里賽事,陳山聰表示想跑足全程,因2公里對他而言實在太短,他笑道:「真係濕濕口都唔夠,未熱身就完。」

他指去年曾報名與周潤發跑半馬,但因要開工未能出席,之後已參加另一賽事,他說:「我私下同發哥跑過好多次,發哥好好,我叫佢周老師,因為一齊跑時,佢教咗我好多,希望喺賽道上可以遇到佢。」

陳山聰表示有新目標,盼花時間練跑,問是否想重組「Crazy Runner」?他說:「我哋一向有跑,只係夾唔啱時間,『Crazy Runner』唔只係個名,而係個精神,我覺得精神緊要過一切,未能夠一齊跑,各自做運動,保持個精神就OK!」

問胡定欣有拖拍是否少跑?他說:「要甜蜜下,不過佢好努力有做運動,甜蜜得嚟都要做運動,我哋食過飯。(向定欣催婚?)催緊,新年新願望,叫佢快啲請飲。」

陳瀅剛從溫哥華探親後返港,假期都是飲飲食食,沒時間做運動,熱身時因太久沒運用肌肉,被朱敏瀚取笑,她說:「去咗2個禮拜,不過又冇肥到,我定咗2025年新目標,就係做健康嘅人,要食得健康啲,做多啲運動,早睡早起。」

朱敏瀚表示只睡了2小時,但平時有練跑,所以應付到2公里,但沒有約過緋聞女友陳曉華練跑,陳瀅指與陳曉華打過網球,稱對方有運動細胞。陳瀅早前到沖繩出席友人婚禮,與男子頭貼頭合照疑有新戀情,她則指對方只是好朋友,對方有另一半。

(即時娛樂)

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 0

沒有留言。