連日暴雨襲港，導致多區出現嚴重水浸，前日(4日)將軍澳一帶一度有特大暴雨。今日蔡潔於社交網分享自己的經歷，原來當日她正身處將軍澳，還被困車內需要消防員前來救援。蔡潔貼出自己在車內駕駛的畫面，只見水已經已浸沒半架車，而片中她更講到眼濕濕：「紀錄一下我好樣衰嘅狀態，我拍緊戲，個妝都係咁殘。今朝經歷一件令我好傷心嘅事，我喊咗好耐，就係我今朝架車Total Loss咗，喺暴雨當中，喺返工嘅路上，我真係覺得好可憐呀。但依家架車已經冇喇，所以都係要好返，大家安慰我可以揀過架新車都係好事嚟。」
蔡潔對於愛車要報銷相當不捨，又於貼文寫下：「我架小白光榮退休啦，我會記得開住你到處走嘅日子。多謝你陪住我返工放工，唔開心嘅時候會匿埋係你度聽歌聽幾個鐘，你又車過我好多巨星朋友，同埋爸爸話我知，前兩日你仲上埋央視新聞，威過我啊，再見啦，之前的日子感恩有你。」之後又感謝當日慰問她的朋友以及消防員，「多謝拯救我的消防員哥哥，你們辛苦了！多謝拖車哥哥同埋車房的朋友。」
東網網站 : https://on.cc/東網Facebook專頁 : https://www.facebook.com/onccnews/