台灣女星徐熙媛（大S）前夫汪小菲上月迎娶台灣女友馬筱梅（Mandy），前晚（14日）兩人出內地一個電影之夜，Mandy一襲黑色背心小禮服優雅又性感，Mandy仲分享影片，成為佢首次於個人社美網站晒出汪小菲同框畫面，佢亦捕捉到男神吳彥祖現身晚宴上。同時網上亦流出當晚現場影片，信（蘇見信）當住汪小菲同Mandy面前高歌《流星雨》，仲將麥克風交畀昔日台灣一天團F4之一嘅吳建豪一齊唱，而《流》就係台劇《流星花園》主題曲，女主角「杉菜」就係由大S飾演。
影片中汪小菲、Mandy正正就係坐喺信、吳建豪對面，同枱仲有吳彥祖。信邊唱邊揮手，將晚宴變成演唱會，炒熱全場氣氛，合唱後，見汪小菲笑得勉強又尷尬，Mandy則燦笑鼓掌，全場歡呼聲不斷，信仲大嗌：「我總要拖一個人下水吧」令吳建豪爆笑。網友睇完片都笑問汪小菲係咪諗起同大S嘅那些年：「這尷尬肉眼可見」亦有人誇讚「Mandy很大氣」。
東網網站 : https://on.cc/東網Facebook專頁 : https://www.facebook.com/onccnews/
留言 0