楊祐寧危坐池邊疑走光　弊傢伙「雞雞」露出咗

台灣型男楊祐寧一向都係陽光型男神，近日佢拍攝內地實境真人騷《花兒與少年．好友記》，同多位內地藝人秦嵐、江疏影、古力娜扎等去到泰國旅遊，點知尋日（21日）播出一集，佢喺泳池邊吹水一幕疑激凸走光，令「小祐寧出來見客」，震驚網友！

眾人喺鏡頭前一行人坐酒店泳池邊傾偈，身穿短褲嘅楊祐寧往右邊移動時，疑似短褲過短，褲襠縫隙意外走光，畫面之清晰度嚇親人。有網友就發現其實今次唔係佢第1次令「小祐寧」出鏡，有網友更懷疑節目剪輯師係「惡魔剪輯」，但都有網友認為應該係角度問題，大家見到嘅只係內褲。「小祐寧」現身即掀起一陣討論，不過楊祐寧經理人表示：「大家冷靜，他很安全！」認為睇過影片之後發現「沒有看到不該看到的」。

東網網站 : https://on.cc/東網Facebook專頁 : https://www.facebook.com/onccnews/