連詩雅女兒被猛男包圍　陳家樂變「呷醋外父」望到實

藝人連詩雅（Shiga）7月時為老公陳家樂誕下寶貝女陳星頤（Camila）後，成功在3個月內極速收身，一度成為網民熱話。其實世上只有懶嘅女人，沒有醜嘅女人，就係因為Shiga夠努力做運動，先至擁有仲瘦過未生之前的蛇腰。

呢一日，Shiga帶埋老公同囡囡去健身室準備動起來，不過Camila得3個月人仔咁細個，當然做唔到運動，唯有擔當「公仔」嘅角色，被靚媽抱住影靚相，再放上社交網晒命。而Camila嘅出現，引起現場哄動，見兩位猛男似乎垂涎BB女嘅美色，好似烏蠅褸蜜糖咁左右「夾」住Shiga，但對眼神就係望實她懷中的Camila，仲有位「T裇男」忍唔住出手，和Camila握手仔做個好朋友添。

至於一直在Shiga背後的家樂，雖然冇出言阻止囡囡身邊的狂蜂浪蝶，但全程好似保鑣上身咁，高度戒備嘅眼神，再加肢體動作即不停圍住妻女身邊，做足防抽水措施，相信家樂將來亦是「呷醋外父」。

東網網站 : https://on.cc/東網Facebook專頁 : https://www.facebook.com/onccnews/