港姐︱莊曉婷留學英國讀名校　生活奢華周身名牌

《2024香港小姐競選決賽》將於本月15日隆重舉行，其中報稱職業會計師嘅（5）莊曉婷（Kimmy），更係年紀輕輕就周遊列國，喺英國留學期間更係生活富貴，睇翻佢社交網啲靚相，更係一有時間就歐遊，將「讀萬卷書，不如行萬里路」完美實踐。

現年24歲嘅莊曉婷，身高167.5cm嘅佢，苗條身材更係Fit到漏，而就讀全球著名商學院之一倫敦大學城市商學院嘅佢，雖然去年大學畢業就投身社會做會計師，但年紀輕輕嘅佢已經生活富貴，社交網Po滿大量法國、意大利、西班牙等歐遊靚相外，亦有日本、泰國等亞洲旅行靚相，同時相中更有唔少名牌手袋服飾之餘，就連往返英國都係坐商務位，認真理財有道。

東網網站 : https://on.cc/東網Facebook專頁 : https://www.facebook.com/onccnews/