今屆世界盃將於香港時間周一凌晨（21日）開鑼，由於主辦國卡塔爾時間比香港慢5小時，部份賽事需在香港時間凌晨3時才上演，因此不少打工仔可能也要「捱夜」睇波。不過，本港有虛銀公司推出世界盃「期間限定」的員工福利，可有一天「射波假」或「揸正牌遲到」，讓員工安心睇波。
眾安（ZA Bank）表示，全體員工將每人享有一天額外假期「射波假」。在11月21日至12月19日期間，打工仔只要觀看其中任何一場足球賽事，下一個上班日就可以向上司申請休假。若不想休假，員工可經上司批准後，下一個上班日遲兩小時上班，亦即「揸正牌遲到」，方便打工仔熬夜後爭取時間補眠。不過，有關福利只限申請一次。
冀提升員工歸屬感
眾安表示，今屆主辦國卡塔爾時間比香港慢5小時，首輪分組賽最早的賽事都要每晚9點才開始，看完三場球賽隨時已經天光。因此，為讓員工安心通宵觀賞球賽，所以推出上述兩項世界盃限定福利。
眾安續指，遇上這項足球盛事，與其要同事捱眼瞓捧愛隊，倒不如由公司多行一步，為同事提供有趣福利，從而提升歸屬感。
密切留意BossMind動向！立即CLS
留言 0