天王郭富城嬌妻方媛成日湊住一對寶貝女Chantelle（郭詠希）及細女Charlotte（郭詠萱），前日（22日）佢就拍片晒出親自為兩個女下廚嘅片，見佢記錄自己帶住兩個女到超級市場購買當晚食材、洗碗、烹飪嘅全過程，最後三人齊齊去到客廳溫馨用餐，賢母良妻形象Sell到盡，仲意外曝光家中裝潢。
方媛留言：「做飯也是幸福的一種方式呀，媽媽下廚，孩子們一直說我做飯有種媽媽的味道，這種到底是什麼味道呢」見佢紮起頭髮、一身休閒打扮現身，去到超市時兩個女亦非法活潑紮紮跳，食材分別買咗牛油果、白菇、意粉、番茄醬、紅洋蔥及水果等，非常豐富又極有營養。
之後再見到方媛入廚房開始洗菜及烹飪，見到廚房整體色調以黑色為主，實用面積十分寬敞，更設有個高身櫃，即使方媛煮食時都仲有好多空間供走動。最後三母女坐客廳品嚐佳餚，方媛就問兩個女覺得點，兩個女都異口同聲狂嗌好味：「感覺有一個媽媽的味道」仲不停豎起大拇指，非常畀面。而片中亦到客廳布置同樣簡約，選用白色牆身及餐椅，營造舒適空間感。
東網網站 : https://on.cc/東網Facebook專頁 : https://www.facebook.com/onccnews/