拜仁作客對住薩克達歐聯分組賽，拜仁係開波5分鐘就落後對手，但之後憑住翼鋒奧利斯梅開二度、中場拉馬、輔鋒湯馬士梅拿同中場梅斯亞拿各入一球，最後以5:1比數反勝對手。拜仁歐聯比賽三連勝，更加係相隔1年再係歐聯作客比賽贏波🙂
今場比賽除咗恭喜拉馬搵到加盟拜仁之後第一個歐聯入波之外，仲要恭喜埋湯馬士梅拿，事關今年35歲梅拿已經有16個球季係歐聯入波，呢個數字平咗C朗拿度，僅次曾經有18個球季歐聯入波嘅美斯同賓斯馬 😎
今場比賽有2個入波同1次助攻嘅奧利斯接受訪問就話「我哋失波之後都係跟返球隊比賽計劃繼續進行，並且得到回報，所以對於今場比賽結果幾開心。我哋只會逐場比賽踢落去同埋踢好自己比賽，唔會過分介意積分榜情況😶。」
▼Follow足球仁
Instagram: https://www.instagram.com/football_yern/
留言 0