練樂儀2度參選亞姐　自爆1秘訣輕鬆中六合彩

第二次參加亞洲小姐競選的藝人練樂儀，近日積極備戰，方法就是閉關，如非必要拒絕社交約會，免受遠離干擾留在家修煉，覺得在屋企有舒適的氛圍，令心靈放鬆。練樂儀身材fit 爆，原來得來不易，而且非常刻苦，為了不影響日間工作，她每朝6點到泳池游早水：「未瞓醒跳落凍水即刻醒晒，係醒腦最好方法，早起又有更多時間用。」有時貪方便會在浴缸浸冰水，發覺有很多好處，促進血液循環、增強免疫系統，仲有助睡眠。

本身是美人魚教練，美人魚運動令她習慣了刻苦，及保持正向思維。她認為選美比賽自信是關鍵，每日都會對鏡訓練講說話及練習微笑：「例如我會講：『又係美好嘅一日，活在健康的一天，出門遇貴人，好事連連，有意想不到嘅收穫』等，試過講隨便買張六合彩都可以中，點知中咗，之後全數捐番去做慈善。」

東網網站 : https://on.cc/東網Facebook專頁 : https://www.facebook.com/onccnews/