今年是武俠小說泰斗查良鏞(筆名金庸)百周年誕辰,TVB推出特備節目《百年一金庸》,節錄多部金庸武俠劇的製作特輯、多位才子才女點評金庸作品、及金庸昔日受訪片段。《百年一金庸》將於今晚(10月12日)播出。
「飛雪連天射白鹿,笑書神俠倚碧鴛」,十四字對聯囊括金庸14部經典作品。節目重點提及金庸成名作《書劍恩仇錄》的創作過程,金庸曾親揭創作念頭來自家鄉傳說:「我係浙江海寧人,我哋故鄉有個傳說,話乾隆皇帝其實係海寧人,所以最初我就寫咗呢個故事。」
曾是金庸包租公的專欄作家簡而清,大爆金庸創作《書劍》時的小趣事:「佢好多時返到屋企就唔出聲,但突然間會聽到佢唱幾聲歌、彈幾吓琴,我就知佢鍾意音樂。而佢都了解到自己冇咩音樂天份,但點解佢要咁做呢?後尾先知原來佢係創作緊《書劍恩仇錄》。」
金庸已故好友倪匡曾指《書劍》雖並非金庸最好的一部小說,但書中人物角色性格和錯綜複雜的故事情節相當引人入勝,直指非常適合改拍成長篇電視劇,倪匡更貫徹幽默作風力踩自己為金庸笠高帽謂:「個個都話我擦金庸鞋,咁佢小說係好吖嘛,又唔見我啲小說有人拍?」
節目又探討金庸事業高峰期的作品《射鵰英雄傳》,原來當年TVB拍攝1983年版的《射鵰》時,特意做市場調查,證實武俠小說甚受觀眾歡迎,故當時監製王天林對於重拍甚有信心。至於主角人選,男主角郭靖早已定案由黃日華飾演,惟女主角黃蓉遲遲未找到合適人選,後來舉辦「理想黃蓉形象」選舉,最終由聰明靈動的翁美玲脫穎而出,造就一代經典角色,翁美玲飾演的黃蓉至今仍為人津津樂道。
金庸與倪匡、蔡瀾及黃霑曾被封為「香港四大才子」,但原來蔡瀾很不喜歡這個稱號,蔡瀾曾說:「我一聽就覺得好醜,查生已經超越咗才子啦,我覺得唔可以同我哋相提並論。」倪匡則以16個字形容金庸的小說:「『金庸小說,天下第一,古今中外,無出其右』!」兩人又大爆金庸有「過目不忘」的特異功能,蔡瀾說:「佢睇完所有嘢都記得,佢有時用跑步機跑步時睇無綫連續劇,佢睇咗一次之後,任何小明星叫咩名都記得。」倪匡則說:「我好懶,有時要用到啲典故又懶得查字典,我就會打電話問佢,有時就當面問佢,佢即刻答到你,咁就唔使自己查囉,當佢電腦咁用。」
留言 3
David Lai
菜欄確實比不上其余3人!
3小時前
無名
是但啦,我覺得做人唔使做超級富豪,做人應該好似佢咁,飲飲食食,衣食無憂就最好
1小時前
ClariS❤️
連才子都唔係囉
3小時前
顯示全部