港姐15強曬童年可愛照　大熱倪樂琳兒自認古靈精怪

《2024香港小姐競選》已進入15強階段，佳麗們接受TVB頻道「See Saw先」專訪，大曬童年可愛照片，更大爆兒時趣事。

「See Saw先」訪問15強佳麗，包括 1號陳紫佟Jessie、2號倪樂琳Ellyn、3號王汛文Candice、4號謝淑怡 Zoie、5號莊曉婷Kimmy、6號李曼思 Adria、7號秦冀雯Yvonne、8號盧凱怡Kerry、9號陳甜甜Rose、10號吳芷靖Clary、11號梁嘉莹Emily、12號鍾翠詩Tracy、13號程姜月Dolores、14號楊梓瑤Amina及15號俞可程Kanis。

各人都展示自己小時候的照片，可見不少佳麗「三歲定八十」，小時候已眼仔睩睩、笑容甜美。12號鍾翠詩更「神還原」兒時招牌篤面珠可愛手勢：「細個嗰時嘅我好鍾意笑同影相，唔鍾意喊」。

今屆大熱 2號倪樂琳的照片可見她小時候已懂擺不同甫士，眼仔睩睩的她更似童星時代的黃美棋。她接受訪時自己小時候「古靈精怪」而且表演慾強：「見到鏡頭會好鍾意唱歌同跳舞，做啲好搞怪嘅動作。例如我鍾意喺媽咪想影我優美咁彈琴嘅時候，好似傻咗咁boom boom boom亂彈。」她更向鏡頭展現「搞怪表情包」，笑言自己的性格適合參選港姐：「因為唔會令氣氛冷場。」

不少佳麗都表示，童年都曾憧憬參選港姐，連小時候「超級男仔頭」的5號莊曉婷都表示，當年因為媽媽要求她與哥哥一樣剪短頭髮，但無阻她扮香港小姐：：「細個因為短頭髮，會攞啲毛巾扮長頭髮嘅香港小姐。」10號吳芷靖則忍不住邊笑邊說：「細個係有偷偷地幻想自己係香港小姐冠軍，因為細個覺得自己好靚，一直都好有自信。」

有佳麗照片斯文，但性格男仔頭，小時候竟曾與男生打架。9號陳甜甜更表示，打到「頭髮亂了」：「我記得小時候媽媽幫我紮很漂亮的小辮子，放學後小辮子都立起來，就是因為跟男同學打架就沒了。」13號程姜月就充滿正義感：「啲男仔會蝦啲女仔，我就好睇唔慣。」。

7號秦冀雯透露自己出生時因為有「十斤四両」重，令護士大為驚訝：「有記者過嚟採訪我媽咪，準備要登報紙。點知幾日之後，有個十一斤幾嘅小朋友出咗世，佢就搶咗我風頭喇。」