【返學喇】揀Projectmate心理攻防戰　咩類型人先係你的神隊友？

就快開sem喇，各位freshmen係唔係好期待U life呢？上到大學，最大嘅挑戰莫過於係做group projects，想拎靚grade就必定要小心揀組員！好多人以為搵個學霸carry一定冇問題，少年，你太年輕了，古語有云：「三個臭皮匠，勝過諸葛亮」，組員幾叻都好，如果合作唔到的話，想攞高分都有難度。趁未開學，快啲玩以下嘅心理測驗，搵出同你最夾嘅組員類型，一開學就mark實目標人物，咁就唔怕搵到豬隊友，齊齊爛grade啦！

回答以下5條問題，便可測試出哪一類型的大學生和你至合拍。

1.　今日終於出咗糧，你會用來做甚麼？

A.　買書
B.　與朋友聚會
C.　儲蓄/課金
D.　想買甚麼就甚麼

2.　一大班朋友去唱k，朋友正在唱歌的時候，你會做甚麼？

A.　仔細分析MV的拍攝手法
B.　和其他朋友猜枚吹水
C.　點自己喜歡的歌
D.　玩住手機等下一首歌

3.　計劃旅遊的時候，你最重視哪一部分？

A.　行程一定要有博物館
B.　搵到啱傾嘅旅伴
C.　不用遷就他人
D.　即興隨心的行程

4.　你約了朋友中午12時一起吃午餐，但他遲遲未見人，你打算向他傳一個訊息，你會寫甚麼？

A.　「你仲有幾耐先到？？？？？？？？」
B.　「Hi~~~Where are you?」
C.　「？」
D.　「我好似約咗你？」

5.　如果你見到鬼，你第一時間會做咩？

A.　懷疑自己隻眼有事
B.　直接問佢係人定係鬼
C.　扮睇佢唔到
D.　即時走人

/ 電影分享會順利舉行，多謝各位蒞臨參與🙏🏼！希望每位有參加嘅朋友都從鮑思高神父身上有得著，亦在討論中更了解聖召同青年喺教會扮演嘅角色，要記得神父所講嘅＂生活化嘅聖召丶聖召化嘅生活＂：聖召係可以好闊嘅，青年亦應當主角服務青年！各位晚安😴，13/7 泰澤祈禱會再見大家😊！ . #cityukatso #luvita #32ndexco #cityusu #katso . Find us on: Facebook: Cityu Katso YouTube: Luvita CityU

A post shared by LUVITA (@cityukatso_luvita) on Jun 28, 2018 at 11:30am PDT

即刻睇吓以上5條問題你答得最多嘅答案係邊一個英文字母，咁就代表你係邊一類型學生啦！利申：此乃非精密科學，唔準唔好嗌回水。

A型：適合與小獨毒同組

A型的人做事認真，也討厭浪費時間，非常有潛質爆四成為學霸！你對事情有一套獨特的看法，做group project時通常會擔當起領袖角色；習慣少說話、多做事的小獨毒將會是與你最合拍的組員，小獨毒們會努力配合你的想法，而甚少提出反對的聲音，雙方必定能好好合作。

B型：適合與任何人同組

B型的人非常擅於交際，很快就可以和新認識的同學混熟，給人平易近人的印象。另外，良好的溝通能力能讓一組人相處融洽，即使組內的意見不合，你也能令討論氣氛變得和諧，因此，無論你和學霸或是小獨毒同組，都可以發揮你的社交手腕和能言善辯的口才，同組員一起輕輕鬆鬆完成project。

C型：適合與社交達人同組

C型的人性格獨立，認識新朋友時比較慢熱和被動，所以很多時候會被人貼上「靜」，甚至是「毒」的標籤，但事實上你只是喜歡少說話多做事，說得上是實幹型的組員，沉默的你當然和外向的社交達人最合拍，你做research寫ppt，佢拍片同present，互補不足才能發揮團隊精神。

D型：適合與學霸同組（但學霸不想）

D型的人做事習慣隨心所欲，愛即興，當下想做的事就會立即做，同時你的自律性較差，經常有分配時間的困難，因此，你極容易成為組內的free rider，參與度低。這類同學最好是找學霸同組，讓學霸好好督促自己，從而學習管理時間，只不過你揀人時人揀你，沒責任感的free rider絕對不會受同學歡迎，所以忠告各位freshmen，唔想下個sem冇人同你同組，千萬不要free ride呀！