無綫煮食節目《拍檔廚房》由方力申及黃翠如擔任主持，今晚（26日）播出最後一集，嘉賓繼續是滕麗名（阿滕）和翠如老公蕭正楠(阿蕭)，滕麗名組的「白色的愛」菜單全部均選用白色食材製造，原來是滕媽媽超強去疤食療秘笈！阿滕自揭童年時遇上車禍，導致面部縫了接近20針：「細個好曳，成日整傷塊面，所以媽咪經常整啲白色嘢食畀我，希望唔好有疤。我細個時試過撞車，縫咗十幾廿針，但完全見唔到，冇磨皮亦冇做任何其他手術，就係靠媽咪成個月白色嘅餸菜。」
而阿蕭將媽媽拿手蒸雞和爸爸的愛心咖喱融入於菜單「幸福承傳」當中，他坦言最愛吃「媽媽牌Number 1蒸雞」，蕭媽媽每次總會預留雞髀給他；為了呈現出胞妹沒有雞髀的酸溜溜心情，他加入酸梅寓意「酸妹」，相當貼題。同時，阿蕭最愛吃爸爸汗流浹背地煮的咖喱，希望透過節目將其父的食譜與眾同樂：「爸爸知道我鍾意食咖喱，特登去學。佢以前好多印度籍同事，請教佢哋學整印度咖喱，聞到好香就會望吓廚房，因為我爸唔着衫去煮，見到佢成個背脊流緊汗，希望將爸爸對我嘅愛喺呢度呈現出嚟。」
東網網站 : https://on.cc/東網Facebook專頁 : https://www.facebook.com/onccnews/
留言 0