台慶︱鄧凱文敲警鐘胸新咪神登基　郭珮文「大騎樓」拆卸避峰頭

無綫新咪神之位近日爭崩頭，在今晚（19日）舉行的《萬千星輝賀台慶2024》中，似乎已有定案。上屆落選港姐鄧凱文以一襲Deep V落肚臍的晚裝正式登基。只見她渾圓雙峰十足警胸一樣，警鐘一敲，震撼全場。反觀「中騎樓」郭珮文玩放棄避「峰頭」，完全封胸冇睇頭，拱手讓出咪神之位！受訪時，郭珮文表示好凍降溫，所以着長袖保暖，又指大家都打扮得好出眾，所以她就試試以不同風格現身，提到她失色，她就驚訝說：「點會，我只係唔同風格。（錫身？）我係養身，同埋呢條裙我自己好鍾意。」問到新片《麻雀女王追男仔》拍攝進度，她就表示已經拍完，透露戲中亦有偏性感演出，不這都是喜劇元素為主。

「警鐘胸」現身的鄧凱文接受訪問時說：「件衫係自己衫，但都畀服裝間同事投訴，話我背脊太多鈕，我其實都冇谷胸，只係黐上膠紙防走光，膠紙仲係我自己黐㗎添！」直言是沒加工、純天然的她，笑指全場都是男記者，若然有女記者在場，都不介意給她們「驗胸」。

東網網站 : https://on.cc/東網Facebook專頁 : https://www.facebook.com/onccnews/