江若琳車禍後急影全家福　老公揸車全城安心晒

歌手江若琳（Elanne）日前遇上車禍，幸好吉人天相，只受輕傷可平安出院，自知嚇親粉絲的她，在意外翌日首曝光，她更新社交網，上載一家三口攬到實的溫馨照，相中笑容甜美，面上無明顯傷痕的她留言：「經歷咗尋日，今日終於冷靜番落嚟，繼續我最愛嘅崗位，一張合照來得更加珍貴。感恩有家人有大家。」而另一張則是抱住囝囝的「影后」相，第三相，除有投入打鼓的囝囝外，還有另一位戴了耳機的小朋友，疑似band房中。不少網民留言祝她平安大吉，一家人齊齊整整最重要。

而其廿四孝老公Oscar則Po同一張全口福，還有太太抱住囝囝大滿足的照片，他留言：「望你嘅人生唔好再有更多嘅經歷，足夠了，thank you，你心情都未安頓好就去工作！任性的，敬業的，加油老婆，你令我更加珍惜我哋嘅屋企。」另外，他在限時動態中上載帶囝囝出街準備上車，留言：「今日係你哋嘅司機，老闆們想去邊。」似乎辛苦啲要Oscar做「柴可夫」，全家都會較安全和幸福。

東網網站 : https://on.cc/東網Facebook專頁 : https://www.facebook.com/onccnews/