近日網上突然瘋傳，指歌手洪嘉豪與女團COLLAR成員Ivy So（蘇雅琳）展開一段地下情，貼文一出即吸likes逾三千，更言之鑿鑿指消息已獲得印證。據爆料者表示：「洪嘉豪同Ivy So拍拖，我諗已經係現今樂壇公開秘密，我電台DJ朋友私下已經成日攞佢哋嚟講笑。」為增強可信性，讓網民更附上一段嘉豪現身綜藝節目時，一心想與Ivy So成為CP，但拉開帳幕卻發現是Win Win，失望表情全寫在臉上。
消息暫未有向當事人求證，一班網民惟有福爾摩斯上身，親自尋找「證據」。有人跳出來指約1年前已從髮型屋聽過，即有網民搭訕回應﹕「嘩，我都聽過朋友講，原來真？」、「我都有聽聞過，但一路都冇嘢流出嚟，真係好秘密」、「真定假？Ivy So都拍拖，我真係脫得粉。」再有人提及：「有無人發現Chill Up玩猜猜畫畫估歌名（嘉豪作品《黑玻璃》）時，COLLAR成員怪怪哋。」其實嘉豪與Ivy So外形尚算匹配，加上同樣喜歡音樂，倘若真拍拖的話，亦算是圈中美事一樁。
東網網站 : https://on.cc/東網Facebook專頁 : https://www.facebook.com/onccnews/