現年50歲的馬國明與37歲湯洛雯去年12月於泰國蘇梅島結婚。兩人婚後不時放閃，外間亦一直關注他們何時做爸媽。今日（10月21日）中午，馬國明於社交平台上載執屋的照片，馬國明提到「為咗迎接人生嘅新一頁、新身份而騰出更多空間」，是否有所暗示？不少網民因此引發無限聯想。
馬國明在帖文寫道「正所謂：『Happy wife! Happy life!』做咗差不多一年人夫，最緊要學識「斷捨離」！早排搬屋好鬼忙，趁住『馬國明天放假』，等我Pack好晒啲珍藏同雜物放入迷你倉，為咗迎接人生嘅新一頁、新身份而騰出更多空間！千祈唔好俾空間限制你嘅想像！」
此帖一出，不少網民紛紛留言恭喜馬明，「恭喜馬明！喺咪要騰出多啲空間俾BB？」、「靚湯有咗？恭喜恭喜！」、「準備BB房? 恭喜哂」……
不少眼利的網民發現，在馬明的存倉物件中，除了最愛的唐老鴨精品、波鞋及模型公仔外，更有那些年的「日本女神」松隆子、廣末涼子與深田恭子的寫真集：「馬明呢啲咪真男人囉，單身嗰陣大大方方認睇過AV；結咗婚就『送走』日本女神。」、「馬明有品味呀！呢幾本寫真當年賣到斷晒巿，估唔到佢都有珍藏喎！」……
留言 0