【LINE你睇】進化中六尾貓香港現真身 真相我見猶憐

近日，一隻「六尾貓」在社交平台引發熱議。有市民在本地商店拍到一隻尾巴看似分成多段的貓，畫面中其尾部毛髮堆疊，疑幻似真，網友紛紛猜測「是基因變異」難道是九尾貓現身，「佢係咪六尾？」「進化成九尾貓！」「原來世界上真係有九尾貓。」「閱貓無數…都係第一次見。」「之前都有見到，懷疑基因問題🤔」一時間，「六尾貓」成為熱議焦點，不少人好奇背後的「真相」。

照片放上社交平台，引來寵物美容師出面解釋：「貓背部毛髮因長期無人梳理形成死毛，貓咪舔毛時將死毛逐漸推至尾部堆積，最終形成類似多尾的效果，並非真的有六條尾巴。」網友們紛紛醒覺：「原來係咁 即係貓dreadlocks 。」有人向店主打聽：「之前聽過有人問過老細，話隻貓唔俾掂，所以冇辦法幫佢㧧毛打理」也有人表示：「但個主人都養得佢幾肥！」

其後有人往實地探訪發現，店主夫婦對店內貓咪關愛有加。店內貓咪年紀最小都超7歲，每只毛髮順滑發亮，足見照顧用心。儘管「六尾貓」不讓摸，但店主確保其生活無憂，「食得、痾得、瞓得、玩得」，這場因毛髮打理困難引發的誤會，在瞭解店主對貓咪的悉心照料後逐漸平息。

圖片來源：skyb.hk、chekvan@threads

【LINE你睇】每日精選網絡熱話，源源送上新鮮事，LINE你睇唔驚冇話題。