楊思琦等特別日子Post結婚相　吳文忻乳癌病情多阻滯

藝人關嘉敏、楊思琦、吳忻熹（前名吳文忻）昨晚（24日）出席大匯演活動，擔任表演嘉賓的關嘉敏獨唱《夢伴》，然後再同一班少女學員夾band唱《愛是懷疑》，其中楊思琦囡囡就負責Rap部分，思琦對於女兒之表現，相當滿意，並表示：「13歲囡囡4、5歲已經開始學唱歌，今日自薦表演rap，佢口齒方面仲叻過我。」思琦指自己都有教囡囡唱歌，要每隻字朗讀正音。提到最近網上翻炒她老公身份神秘的新聞，思琦則表示：「呢排忙內地工作無留意，老公都有參與親子活動，我哋係正常家庭生活，希望大家畀啲空間，老公終有一日會被見到。（老公有無心理準備？）佢好take it easy。（會唔會Po吓結婚相？）咁我諗吓啦，睇吓有咩特別日子介紹，隆重宣布。」

吳文忻被問到現在身體狀況，她謂：「狀態ok，但因乳房嘅腫塊硬咗大咗，醫生報告又矛盾，政府醫院驗出嚟唔係三陰乳癌又唔係賀爾蒙，但私家醫院就話係三陰乳癌，好無奈，醫生都答唔到點解，可能運送過程問題。」公立醫院建議她照Pet scan，但文忻覺得傷身加照嚟都無用，之後可能搵多1-2個醫生睇，她還指現在接受了那個腫塊，會開始日日同它傾偈；她還指可能近月小朋友放暑假，再加搬屋影響腫塊，之後小朋友開學會放鬆，做番gym同游水。提到有指她將屋企舊物變賣，是否因治癌有經濟問題？她則表示：「十幾年前搬屋已經會賣走舊傢俬，又會買二手，想環保啲，唔關經濟問題事。」

東網網站 : https://on.cc/東網Facebook專頁 : https://www.facebook.com/onccnews/