張敬軒買椰皇遇Tyson Yoshi忠粉　喪讚男神心口脹卜卜

歌手張敬軒最後忙於為9月開唱歌Workshop作準備之餘，亦為品牌拍攝廣告片，經常與網民互動的他，昨日於社交平台PO相並留言:「話說，尋日去街市買椰皇，準備拍攝嘅材料，我問阿姐：『靚姐，椰皇點賣呀?』」當時阿姐答軒仔:「50蚊兩個，大隻兼墜手，包甜呀！」𨊱仔眼見個個椰皇都差不多大，就再問阿姐:「咩size為之大呢?」阿姐搞笑答他:「好似你個friend Tyson Yoshi個心口咁大，咁就差唔多㗎喇！」之後軒仔tag了Tyson及他的老婆Christy並問:「我應該點回應好?」之後即時釣出Tyson留言:「咁都唔係好大啫！」軒仔表示經過舖頭時會幫他告訴阿姐知。Christy亦表示:「咁要佢本人過嚟買先知夠唔夠大」。網民亦好開心，紛紛留言:「我覺得Tyson個心口大啲囉！」

而Tyson與Christy昨日就冇去買椰皇，二人拍拖去買貓沙，每隻手秤住一大袋貓沙的Tyson貼文配相表示:「貓沙X2拎足全程𨋢，佢話強壯嘅男人係唔會放落地下，Okie！」見到佢隻手真係現晒青筋㗎！

東網網站 : https://on.cc/東網Facebook專頁 : https://www.facebook.com/onccnews/