雲浩影大露背搭叮叮　包車出巡粉絲怕被睇蝕

歌手雲浩影（Cloud）人靚聲甜唱功了得，加上形象健康，深得粉絲愛戴。她日前在社交網分享靚相，寫道：「秋涼喇！雲浩背影要搭叮叮，全車得我一個所以好開心！」照片中的Cloud 穿上小背心，趁夜闌人靜，獨自享受電車遊之餘，又對鏡頭放電，相信已電暈不少男生。而在另一張照片中，更發現原來背心後面是大露背設計，露出一大片白滑玉背，相當吸睛！偶像罕有派福利，粉絲固然十分受落，紛紛按讚畀心並留言：「點解可以咁靚？」、「我分唔到妳到底係偶像派定實力派」、「我係女都覺得戀愛了」、「啲仙氣勁到不得了」，不過亦有粉絲不捨得她被睇蝕，留言：「喂呀！唔准咁性感ok？唔畀呀！」、「唔該呢位小姐可唔可以收埋個背脊」、「下次唔要再見到個背脊呀！！！不行！」、「嘩….咪搞到成街都鼻血先得㗎」、「唔好立亂用咁嘅眼神嚟望人」，很窩心！

東網網站 : https://on.cc/東網Facebook專頁 : https://www.facebook.com/onccnews/