根據德國天空體育消息，拜仁接近同翼鋒基拿比同埋右閘拉馬完成續約

🚨根據德國天空體育消息，拜仁接近同翼鋒基拿比同埋右閘拉馬完成續約，基拿比將會同拜仁續約去到2028年夏天。至於拉馬新合約去到幾時就仲未可以確定，但雙方考慮續約去到2029夏天，而呢兩位球員都係憑住上半程出色表現爭取到新合約作為獎勵🙂

💥消息指基拿比同拜仁續約只係時間上問題，拜仁將會係出年正式宣布基拿比續約。事實上，拜仁體育總監艾巴爾貝爾係2024年夏天就大讚基拿比表現，並且認為基拿比係球隊入面重要嘅領袖球員😉

✅根據德國慕尼黑日報消息，基拿比今次續約將會由依家拎緊1890萬歐羅稅前年薪減到最多1500萬歐羅稅前年薪。基拿比接受減人工有兩個原因，首先，基拿比想嚟緊無咩轉會傳聞，從而可以入選出年世界盃大軍名單。另外，基拿非常欣賞甘賓尼同埋佢嘅戰術理念，所以希望繼續係甘賓尼執教之下效力拜仁🤓