任賢齊「開庫」　豪派大利是

台灣歌手任賢齊大年初三至初六都要開騷，尤其上海站更是場面墟冚，因他開騷前帶同財神向粉絲大派利是糖。新一年祈求身體健康的他，豪派大利是滿足員工發新年財的願望，他說：「其實一月初喺天津6場跨年演唱會嘅慶功上，已經提早派花紅利是喇！我想人人有份，所以唔再大抽獎，而係按每位同事嘅工作量分配，多勞多得，由幾萬元至幾千元不等，到過年再派開工利是。派利是代表有能力，係福氣，總數派咗幾多錢就唔宣揚喇！」據知，他近年不停向紅館入紙申請開騷，可惜一直落空，他笑說：「申請到有少少懷疑人生，不過唔緊要，我等得。」

東網網站 : https://on.cc/東網Facebook專頁 : https://www.facebook.com/onccnews/