拜仁中場柏夫洛域受訪：願意一直留在拜仁踢波，每日都搏到盡

💬拜仁中場柏夫洛域最近接受德國傳媒慕尼黑日報訪問講到自己嚟緊規劃同埋今個星期德國國家打吡有咩睇法：

1️⃣請問你距離成為”世界上最佳防守中場”呢個目標仲有幾遠？

「要實現呢個重要目標，咁就一定要一步一步咁嚟。而係呢個位置方面，我自己好尊敬曼城中場洛迪，洛迪長時間都係其中一位最出色防守中場。我依家每日都同甘美治、簡尼呢啲頂級球員一齊訓練同埋比賽，呢往經歷已經非常獨特🙂。」

2️⃣睇到你係球場上承擔更多責任，呢樣對你嚟講係咪有更大壓力？

「唔會呀，我會覺得呢啲責任係我嘅榮幸，當年輕球員好似我咁樣成長嗰陣，我好願意比意見。因為我自己親身經歷過知道呢啲對年輕球員好重要，好似我平時成日都會同卡爾同埋比索夫一齊食飯，我哋都係一齊成長嘅年輕一代，而我都幾願意承擔呢份責任😉。」

3️⃣如果要同2024年柏夫洛域比較，你覺得有咩唔同咗？

「老實講，我嘅性格無變到，只係踢多幾場比賽，唔需要過分得意忘形，但我嘅身體發育得幾好呀。我以前又矮又瘦，好似一條芽菜，而且性格都比較內向，但係我依家已經可以同一班隊友講下笑😂。」

4️⃣請問你對於嚟緊對多蒙特德國國家打吡有咩睇法？

「無論對於球隊定係我個人嚟講，之前順利擊敗法蘭克福同埋有入波比到我哋好大動力。我哋都好期待對住多蒙特呢場比賽，並且已經做好準備，我哋希望可以擴大領先優勢，如果有11分優勢就太好啦🥳。」

運動