安全帶新例生效 巴士乘客「掹唔到」拍片爆粗
巴士安全帶強制佩戴新法例今日（25日）正式落實，首日已有不少乘客自覺扣上安全帶。不過，有男網民卻在 Threads 上分享「崩潰經歷」，引起熱議。
他上傳的影片顯示，乘車時遇上「安全帶卡死」情況，無論慢慢拉、推回再拉，甚至用力猛扯，都完全拉不動。片中他情緒失控，爆粗大喊：「戴你老X安全帶咩，掹都掹唔X到！」場面既狼狽又搞笑。
發文者留言指「上個Po啲(有人)教我慢慢拉，我依家就示範下咩叫正常嘅安全帶，係要極快扯佢先會卡住，普通快同好快嘅速度係唔影響佢拉出嚟。仲有話踩break會拉唔郁個啲，臨急臨忙邊個會同你裝個system去同個break同步？」他認為安全帶設計本身並非如部分網民所說，慢慢拉就能解決問題。
網民：第一日就玩到崩潰
帖文一出，網民紛紛留言出招，「壞咗要換位，再通知司機」、「必要時唔好坐嗰個位」、「壞安全帶要即刻報告車隊」。亦有人提醒，行車途中不宜直接與司機交談，應在安全情況下再反映。有網民更搞笑回應，「安全帶掹唔到，係咪要靠意志力保命？」、「新例第一日就玩到崩潰，真係港式幽默」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)