根據圖片報消息，多蒙特已經為翼鋒艾迪耶美提交正式續約報價

🚨根據圖片報消息，多蒙特已經為翼鋒艾迪耶美提交正式續約報價，但係艾迪耶美方面仲未作出任何實質性回應，令續約談判陷入停滯。消息指艾迪耶美希望收到其他球隊重磅報價，之前仲請咗C朗經理人文迪斯，希望收到唔同報價同埋推動轉會😶

💥消息指艾迪耶美最希望就係去英超踢波，而係過去一段時間入面，車路士同曼聯都曾經傳出對艾迪耶美，只係呢啲傳聞仲未轉化成實際行動。不過，如果多蒙特收到5000萬歐羅以上嘅合適報價，球隊體育經理列瑾同體育總監基爾都願意坐低進行談判😉

💣根據體育圖片報消息，多蒙特高層覺得球隊踢法比較保守同埋有啲悶，並且已經同教練尼高高華經常保持溝通。而多蒙特高層要求好清楚，希望球隊有更多入波，而踢法要更加有觀賞性，並且要用更有說服力方式贏波🙃

🎯不過，如果單從聯賽成績同數據去衡量，尼高高華執教多蒙特之後34場聯賽入面，球隊可以拎到73分，平均每場聯賽拎到2.15分，呢個分數算係唔錯，咁樣成績絕對可以殺入德甲前四，仲可以挑戰埋聯賽冠軍，所以球隊內部對於尼高高華執教能力並唔存在任何實質性質疑，反而將焦點集中討論球隊比賽風格同埋長期發展方向🙂

▼Follow足球仁
Instagram: https://www.instagram.com/football_yern/