敖嘉年赴雲南探索美食　特製石屏豆腐惹人垂涎

藝人敖嘉年為HOY TV全新素食紀錄片《橫素全中國》擔任主持，早前他已出發帶隊北上，發掘一些特別的素食，首站獲安排到訪雲南：「我對雲南嘅印象都係睇戲留低嘅，覺得好靚同埋天氣好。嗰度啲菇菌類大家聽過嘞，但原來咖啡都好出名。我們先出發往石屏，見識啲特別嘅食材，甚至連我本身食素都未見過。今次拍攝我哋可能去啲比較偏遠嘅地方，深入森林咁，去感受吓仙氣。」

出發前嘉年做了大量資料搜集：「我之前未聽過石屏呢個地方，嗰度啲豆腐特別之處在於製作用嘅水，令到啲豆腐好正，咁啲水有乜咁特別呢？就要先買關子嘞。」至於節目中有「素人」亮相，他說：「我會同佢哋傾吓偈，了解吓佢哋點解會愛上食素。其實石屏有好多藝術家同畫家，可以分享吓佢哋嘅人生故事。」

東網網站 : https://on.cc/東網Facebook專頁 : https://www.facebook.com/onccnews/