華裔視障少女零經驗演恐怖片《還魂》　同提名影后對戲獲讚

澳洲恐怖片《還魂》（Bring Her Back）引起恐怖片迷不少注目，劇情講述英國女星莎莉荷堅絲（Sally Hawkins）飾演的寄養家庭母親，收養一對剛喪父的繼兄妹，其中她對視障妹妹呵護備至，然而其溫暖態度背後，卻是令人毛骨悚然的惡意與陰謀。飾演視障妹妹的是現年14歲的澳洲華裔少女Sora Wong，她天生眼球缺損與患有小眼球症，在片中表現亮眼，被讚演技自然，原來她只演過學校一套舞台劇，除此之外毫無演出經驗。她母親見到有電影要求視障少女試鏡後，她就覺得何不一試？

Sora受訪時表示：「我演戲係零經驗。所以當我收到消息我獲得個角色後，真係好忘形同興奮。其中一個原因吸引我決心去演，因為我同個角色有好多共鳴，而我認為可以演繹一個我有共鳴嘅角色係好重要同美好。」談到與奧斯卡提名影后的莎莉對戲時，Sora表示：「佢喺片場好好人。但當我哋拍啲好壓逼性嘅場面時，入咗戲佢可以好得人驚。然後佢哋嗌『Cut』，佢就變返莎莉，我就覺得『嘩！』。有次拍完啲好殘酷嘅場面，佢就攬返我，真係好好。」

東網網站 : https://on.cc/東網Facebook專頁 : https://www.facebook.com/onccnews/