譚仔三哥出杯麵！超誇張空中發佈會

相信你地係琴日日落果一刻，應該已經比譚仔姐姐瘋狂洗版，可能夜晚都夢到佢，我都唔係到重複咁多，等我講下究竟發生咩事，點解會係HK Express嘅飛機，見到譚仔姐姐咁誇張。

話說譚仔三哥竟然同日清聯乘，出咗款香港製造嘅杯麵，隆重其事仲搞埋空中發佈會，送一眾三哥Fans去日本，途中係HK Express飛機上試食新杯麵。最搞笑係請埋譚仔姐姐黎，發佈會仲玩埋Bingo，成件事真係夠哂痴線。

-
🍜日清 x 譚仔三哥麻辣湯味杯麵 ($25)
1️⃣雖然我係受邀參加發佈會，但真心想講句，呢個杯麵真係近期食過最正，麻辣真係夠麻，直頭撲鼻而黎，係飛機食真係會引死隔離，仲有得自己調較辣度添。

2️⃣配料仲有素墨丸、素腩肉，而且雖然我拍片擺耐咗，但麵條依然彈牙有咬口，索埋麻辣湯汁食唔停口，你見我真係食哂成個。

🍵三哥杯緣子
最搞笑仲有呢個杯緣子，仲可以擺筷子上去添，其實係譚仔三哥 X 香港快運航空獨家紀念品，4月先會以禮盒形式售賣。

-
「日清 x 譚仔三哥麻辣湯味杯麵」
📅2025年3月30日起香港快運航班有售
📅2025年3月31日起，全線譚仔三哥分店(科大除外)都有售，而呢個「三哥版」就有埋譚仔三哥獨家優惠添。

❇️順帶一提，香港快運機艙內雜誌，仲有譚仔三哥獨家優惠拎，Scan 雜誌嘅QR Code就有。

▼Follow foodiegogoooo
Instagram: https://www.instagram.com/foodiegogoooo/