【堅持港產特攝14年】《鳩寨Cult》邊講cult片、邊拍香港版幪面超人│專訪導演梁仲文 推介特攝片《神骸軀形》 張進翹、郭爾君主演

今期宅推介同大家推介YouTube頻道「梁仲文化 鳩寨Cult」@LEUNGCHUNGMANFA 。可能唔少人都睇過佢既專欄「鳩寨Cult」，介紹過《決戰葡京之顛》、《信有明天》等世界級cult片，睇完眼界、腦洞都大開，原來電影可以咁拍。
其實主理人梁仲文都是電影人，做廣告、MV導演之外，亦都堅持拍攝香港特攝風格作品多年。2011年參加鮮浪潮拍出《關公大戰外星人》，2017年有戲院上畫的《香港大師》，最近就在YouTube上載短片《神骸驅形》。
呢套作品可謂幾經波折，2019年拍完，但因各種因素擱置，仲文為咗重新播出，差唔多每集都由頭重做特效後期。影片出街當日應該已經播出咗兩集，比起過往作品，《神骸驅形》更加貼近舊派幪面超人風格寫實風格，最正係以空想末日香港為背景。
咪以為拍特攝超人片係着套超人衫打交咁簡單，一集成本大約$28,000，但日本拍鹹蛋超人《ULTRAMAN》一集過100萬港元都係等閒事，有限人力物力之下，要拍出水準真係唔簡單。比唔比得上日本水準？好唔好睇？呢啲都係觀眾話事，但至少話畀大家聽香港有人喺有限環境下拍咗特攝作品多年，有興趣不妨去梁仲文youtube channel睇睇支持。
＃鳩寨Cult ＃神骸驅形 #香港 #港產片 #vfx #電影 #特撮 #梁仲文 #幪面超人 #gadgetgang