紐亞：對我嚟講，最緊要就係活在當下

🗣️拜仁龍門紐亞最近出席德國傳媒At Broski – Die Sport-Show節目訪問：

1️⃣好多人都話你係史上最佳龍門，你點睇呢個評價？
「我幾放鬆，因為對我嚟講，最緊要就係活在當下，專注嚟緊幾幾場比賽。只要我可以幫到球隊同埋為防線提供支持，咁樣先至係成功嘅關鍵，我覺得團隊成功永遠比起個人榮譽更加重要🙂。」

2️⃣你依家係經驗豐富嘅球員，而球隊龍門位置都開始進行輪換，你點樣睇自己角色？
「我經歷過唔同階段，由青年軍開始發展，成為球隊三號龍門，為上陣機會而努力，所以我理解所有位置上感受。我依家將自己視為一種責任，幫助球隊係龍門位置有穩定發展。我哋係一個整體，我哋互相支持支持，年輕球員踢得好，我哋會真心為佢而覺得高興☺️。」

3️⃣點解你當年拒絕加盟阿仙奴？
「我效力史浩克04 U19嗰陣，阿仙奴對我好有興趣，但係我當時唔想去其他國家發展，因為我知道作為一位年輕龍門，去其他國家踢波將會幾困難，你可能無法係英倫三島搵到穩定上陣時間，你一定要有足夠地位，咁樣先至有可能成為球隊一號門將😉。」

4️⃣關於舊拍檔湯馬士梅拿
「梅拿真係好特別，依家無咗佢，成架球隊大巴都靜咗好多。梅拿可以同每個人打成一片，佢可以令年輕球員、新加盟球員有經驗球員連接埋一齊。梅拿成日都可以用肢體語言表達，仲可以同一班球員產生共鳴，令佢哋即刻有融入感🤓。」

▼Follow足球仁
Instagram: https://www.instagram.com/football_yern/