$45一張飛 長沙灣舊麗新戲院重開

其實不是舊麗新戲院重開，而是原址有新戲院試業。近年，戲院執笠就聽得多，有新戲院開幕比較少見，不過，農曆年間有新選擇，就是20年前麗新戲院舊址已經變成MCL長沙灣戲院。而且試業期間，戲票亦回到20年前價位，$45一張飛，抵嘅。

長沙灣麗新商業中心的MCL長沙灣戲院，是MCL院線第10間戲院，MCL首次進駐西九龍，戲院會有4間影院，全部4K數碼投影配杜比7.1數碼環迴立體聲及Bowers & Wilkins揚聲器，合共有約400個座位及16個輪椅座位。而且除票價回到1997年麗新戲院定價外，小食如爆谷、汽水都有優惠平至半價。下星期農曆年長假，可以諗諗買定飛睇賀歲片啦。

撰稿員：馬毛