李嫣太耐冇見人　去年第4度兔唇復手術後現真身片被翻炒

天后王菲與前夫李亞鵬所生嘅女兒李嫣依家19歲，女大女世界嘅佢，近月未有發放新相，有網友就拎番佢去年現身街頭嘅偷拍相翻炒，回顧一下天后愛女嘅盛世美顏，再次大讚佢富定千金氣質。亭亭玉立嘅李嫣，於前年完成第4次唇顎裂修復手術後，去年5月首度真正現身見人。當時佢現身北京商場逛街被野生捕獲，身穿泰山裝上衣搭配緊身牛仔褲嘅佢，輕露白滑香肩，高挑瘦削加上完美長腿似足媽咪，肩上孭住名牌手袋更見貴氣，配一頭長直秀髮，於手術後首度露臉，面上已完全冇兔唇痕迹，亦未見有明顯傷疤，美貌、氣質更似足年輕時嘅王菲。

東網網站 : https://on.cc/東網Facebook專頁 : https://www.facebook.com/onccnews/