「中2生」甘永傑梁浩賢演音樂劇場 獲顏米羔劉威煌力撐
《中年好聲音2》甘永傑（阿甘）及梁浩賢（浩賢）於暑假首次挑戰兒童音樂劇場，剛過去的父親節，舉行大型發佈會，除了有大班歌迷支持外，更獲好友包括「輕鬆啲」兄弟劉威煌、顏米羔、梁思傑、龍導及MISSY成員陳俞霏﹑陳芊芸和林思彤等捧場。
阿甘首次聯同囡囡甘亦霏父女檔拍住上：「我同浩賢第一次參與音樂劇場嘅演出，更加要同幾百個小朋友合作，挑戰性好大，仲要又唱又跳加做戲，嚟緊成個暑假都會日日排練，希望做到最好。我哋要同阿女請教，因為佢跳舞唱歌仲叻過我哋！」梁浩賢一人分飾四角：「當中有扮女人造型，要挑戰轉裝時間，聽講每個造型都好特別，希望女人造型唔會嚇到大家啦﹗」
發布會上，MISSY成員陳芊芸與小朋友示範一字馬，大騷柔軟嬌軀，阿甘和浩賢甘拜下風，表示要多多學習，顏米羔及劉威煌等就和MISSY成員即場為兩位「按摩全身」，希望為他們放鬆肌肉。
（即時娛樂）