馬國明坐新車落水勁震驚　馬德鐘淡定面對高科技

型男馬德鐘、馬國明及張兆輝前日到深圳出席車展活動，3位更即席體驗最新車型，車輛除了可原地360度自轉外，上山下水都可以，由於3位都曾演《飛虎》系列劇集，故網民都指他們就如有任務在身一樣。

他們坐着新車落水，坐在車頭的馬國明不時問司機問題，似乎對車子性能相當好奇，期間他又搞笑跟岸上朋友揮手，樂在其中。馬國明接受東網訪問時謂：「好犀利，架車好似架船咁浮喺水面行，咁大個仔未坐過架車係可以落水，好似細個睇占士幫007啲電影咁，好多男仔都應該鍾意。」而馬德鐘與張兆輝則坐在後面座位，馬德鐘受訪時謂：「依家啲科技真係好犀利，架車可以落埋水，落水後佢仲會自動閂窗、開天窗，部車真係幾穩定，轉彎時啲水都唔會濺到入嚟，坐喺入面都舒適，啱晒我哋啲高大嘅男士，都幾有型。」

東網網站 : https://on.cc/東網Facebook專頁 : https://www.facebook.com/onccnews/