檀健次被私生飯瘋狂追逐　機場拔足狂奔險象環生

內地頂流男神檀健次憑藉古裝劇《長相思》走紅，帥氣古裝造型吸引大量粉絲支持，被封為「新一代古裝男神」。然而知名度攀升後，其私人生活亦受到極大關注，近日佢現身廣州機場時，就遭遇大批私生飯（騷擾明星私生活狂迷）追逐，場面一度混亂，要喺工作人員協助下順利脫困，驚險情況隨即曝光。

根據網路上流出影片見到，檀健次當日準備經由VIP通道離開機場，但剛現身就引嚟現場私生飯蜂擁而上，檀健次出動「手刀」低頭快跑，神情緊張，一路衝過馬路直上保母車。現場工作人員亦反應迅速，立刻喺通道口組成人牆，成功阻擋追逐人潮，先避免進一步混亂或受傷事件發生，整段過程驚險萬分。

檀健次於車內稍作休息後，見到仍有唔少理性粉絲在外守候支持，便特地由另一側車門走落車揮手致意，又露出親切笑容、寒暄短暫片刻，舉止溫暖，寵粉、暖男行徑冧暈Fans。而事件曝光後，唔少網友紛紛呼籲大家理性追星，尊重偶像私人空間，避免造成藝人及現場人員困擾與危險，同時亦感謝工作人員嘅即時反應，避免更嚴重狀況發生。

東網網站 : https://on.cc/東網Facebook專頁 : https://www.facebook.com/onccnews/