最近有媒體批評德國中埸域斯，連續4場賽事無入球或助攻。

🚨德國SPORT1最近就批評利物浦中埸域斯無論係利物浦定係德國國家隊都無狀態。域斯今個夏天以1.5億歐羅轉會費加盟利物浦，成為最貴德國球員，但暫時只有1次助攻。雖然域斯係上埸世界盃外圍賽創造4次機會，但就因為一次失控球權間接令球隊失波，再加埋之前歐國聯決賽週表現麻麻，所以開始出現質疑聲音🙃

💪🏻不過，德國國家隊教練拿高士文從來都未加入呢啲批評聲音，而拿高士文仲不斷鼓勵域斯。而係呢段時間，德國國家隊另一位核心球員梅斯亞拿因為受傷缺席，令到域斯需要係嚟緊比賽證明自己能力同埋價值🤓

💥拿高士文係賽前記者會被問到點睇域斯、禾特美迪等出色德國🇩🇪球員去英超踢波，拿高士文就話「只要佢哋踢更多比賽同埋有大量上陣時間，我就會開心，呢樣對我嚟講先至係最重要。對於德甲嚟講，最出色德國球員去英格蘭🏴󠁧󠁢󠁥󠁮󠁧󠁿踢波並唔係最理想情況，但係依家呢個時期，呢個情況都算係幾正常😉。」

💬拿高士文又係訪問強調「我唔驚自己教練職位，我覺得「驚」從來唔係好嘅心態，我有足夠勇氣帶領球隊贏波。我哋會係今埸比賽搏到盡，重點係球隊，而唔係我自己，我相信球隊會比起上埸有更好表現😎。」

▼Follow足球仁
Instagram: https://www.instagram.com/football_yern/