密密有工開！朱晨麗冇劇拍轉戰大銀幕玩槍戰

女星朱晨麗（朱朱）今日（7日）以粉紅色低胸裙現身沙田馬場舉辦的「莎莎婦女銀袋日」，朱朱身形清減不少，她自言最近積極做瑜伽減肥。朱朱透露父母喜歡觀看賽馬，故她不時會陪他們入馬場：「佢哋對呢方面好有興趣。（你會唔會投注？）我睇就多，但好少買，似乎冇乜呢方面嘅運，希望今日學多啲睇多啲可以行番呢條運。（父母咁鍾意馬，有冇鍾趣做馬主？）我做代言就可以，我未有資格去買。」

另外，講到工作，朱朱稱現忙於拍攝電影：「套電影係槍戰類型，我破天荒係唔使揸槍，我只係中槍，我覺得好好玩，我以前開槍射人多，中槍係第一次，要扮痛，都好考驗演技。」提到無綫台慶表演，她會跟40名女藝人一齊表演跳舞，但昨日（6日）因身體不適而缺席綵排：「我尋日頭暈，所以就冇去綵排，可能因為我身體差，所以見頭暈，今日已經冇事。我都希望爭取時間同大家一齊夾舞步，因為啲舞步都難、節奏又快，希望台慶當晚唔會失誤。」

東網網站 : https://on.cc/東網Facebook專頁 : https://www.facebook.com/onccnews/