又一索女離開TVB！《3日2夜》蘇可欣效力8年宣布離巢

2016年落選港姐蘇可欣（Eunice）效力無綫8年，曾拍攝節目《3日2夜》上位，其後亦參演過劇集《飛常日誌》、《是咁的，法官閣下》等，亦做過無綫娛樂新聞台主播，日前在社交平台宣布離巢，疑似返回空姐行列，又一索女離開大台！

空姐出身的蘇可欣，早前扮演空姐「做老本行」備受關注，但日前突然宣布離巢無綫，結束8年賓主關係：「『呢個世界好大，我想去望吓』，一轉眼將近8年時間，喺TVB既日子令我見識很多，學懂很多，係時候翻開新嘅篇章向前走。我一直深信我是幸運的。誤打誤撞走上了當主播司儀嘅路，我好感激娛樂新聞台帶畀我嘅一切，係呢個温室嘅時間，快樂時刻佔絕大多數。我會懷念跟你們在大房的歡樂時光。」

Eunice逐一感激經理人及台前幕後的同事，「我絕對講唔上係一個聽話嘅女仔，比起話好，我更加多時間都講緊唔好，咁多年嚟辛苦你了。對於我嘅所有，佢比我更加上心。」她又直言私下自己其實不擅長與人溝通，對方陪伴左右代自己說話。」她又表明：「最後，世界好大，我仍然想再去望下。我哋換個地方再見。」但未有透露確實去向。