朱敏瀚腳傷留院1晚　避談陳曉華有否慰問和探望

藝人朱敏瀚及陳煒今日（7日）現身電台錄製節目，早前踢足球意外傷及腳部韌帶的朱仔，日前接受手術後，今日需仰賴拐杖支撐行走，他透露於本月2日接受了手術，目前恢復進度良好，醫生叮囑了六個禮拜不能碰地，因此之後盡量都會在家中休息，笑言自己提早收爐，他又指今日由好友張振朗載來現場，而早前住院一晚時，好友周嘉洛買了蛋撻來探訪，大讚好友們貼心。

問到緋聞女友陳曉華有無探望及慰問他，朱仔就表示：「我所有同事一知道我受傷，大家都好錫我（新年會唔會約Hera？）我依家練緊嗰兩支棍，希望唔會Miss咗新年去拜年，逗利是賺返啲醫藥費（前排係咪同Hera一齊出席畫展？）唔係剩係得我哋，好多artist都有去（你哋孖住去？）我哋孖住一齊企埋影咗張大合照。」此外，他透露三月要到內地拍攝綜藝節目，因此為了拍攝順利，希望能早日康復。

至於陳煒透露近日忙於宣傳《非常檢討觀》，之後情人節會出席無綫馬場盃，夜晚就會陪老公。兩人早前去馬來西亞出席賀年活動，陳煒表示事隔8年再去，很掛住當地粉絲，而朱仔上年亦有去，大讚今年大家同樣熱情，兩人更笑言在當地吃了很多美食。

東網網站 : https://on.cc/東網Facebook專頁 : https://www.facebook.com/onccnews/