Threads有人話大快活咖喱好食過呢間十倍(•̆ꈊ•̆ )？

我諗大家未食過都認得呢間新景園咖喱小廚 @sunkingyuen
招牌成座山咁既炸豬扒配咖喱絕對唔係咩潮流打卡名物開業咁多年排隊人潮亦有增無減亦都好似無時無刻都有隊
平日晚開門前已經排到勁誇張…
實力當然係好大原因服務態度我覺得都令人會願意回頭
長期爆場忙到踢晒腳但樓面保持到十分有禮貌真心抵讚

◦ 咖哩豬扒飯
之前買過外賣（平堂食一截!!）已經比佢份量震撼過今次堂食再被震撼到Σ(Ꙭ )!
用一座山黎形容都唔誇張豬扒係有兩大塊 respect solo食得哂既人士
炸豬扒同記憶中一樣肉質鬆軟得黎但唔係乸到唔似肉嗰種炸漿唔會太厚油膩感唔算勁好食!!!
咖哩要分類應該算港式椰香重得黎但都幾辣配埋炸豬扒真係comfort food
同大快活比真心咩？

◦ 乾炒牛河
另一樣名物終於試到埋啦.ᐟ‪‪‬
牛肉又係多到離譜醃得入味同時keep到有牛味
個炒河色水好夠的確炒得有鑊氣又乾身唔會食到個嘴油淋淋食完都唔會覺得哂quota