崔碧珈踏入37歲　迫爆強勁身材吹蠟燭

上月尾5月27日踏入37歲的崔碧珈(Anita)，日前分享多張慶祝生日吹蛋糕蠟燭靚相，更透露剛在法國完成新戲拍攝，並即刻返港同媽媽補過生日。穿著心口開窿設計的藍色性感背心，展現豐滿上圍，非常性感。

崔碧珈分享生日靚相留言：「眨吓眼我就30+7喇🎂Happy Birthday to me🥳雖然正日生日係上個禮拜5月27號♊️但法國一拍完戲就特登立即回港，今日終於返到屋企同媽咪慶祝🥰❤️媽咪訂咗一個3.5磅英國伯爵茶味大蛋糕，成屋連埋朋友20個人食都夠😋好開心今年嘅生日願望已經實現咗，就係確實會喺摩納哥蒙地卡羅舉辦『高影國際微電影節』🎞️但係人點都係貪心嘅，點都許多個願望😝祝自己同媽咪都身體健康，開開心心💕」
其實崔碧珈13歲已獲得英國皇家音樂學院鋼琴八級資歷，之後赴英國留學，2012年在謝菲爾德大學(The University of Sheffield)讀碩士期間放假回港獲金牌經理人黃柏高(Paco)賞識簽約。至2018年崔碧珈更首次踏足康城，參演兼監製法國意大利合拍電影《F（LLIA》，並創立高影娛樂有限公司，參與不同影視出品及製作。