陳柏宇阿Dee搞音樂會　向周星馳致敬

由資深音樂人陳浩然（Edward Chan）率領5位歌手陳柏宇(Jason)、馮允謙（Jay Fung）、黃妍（Cath）、何啟華（阿Dee）和梁業（fatboy）將於本月19及20日在文化中心大劇院舉行《甚麼是喜劇》音樂會，音樂會融合喜劇、舞蹈於一身，預告會度身訂造不同組合及形式的聯乘表演。

說到喜劇，原來他們都是周星馳迷，陳柏宇就表示由細看周星馳喜劇長大，最喜歡看《賭俠》，感覺代表着一個年代。黃妍就最愛《家有囍事1992》，笑言重看了10次，每次看都覺得很好笑，又大讚張國榮好靚仔。阿Dee表示最喜歡是《回魂夜》，他笑說：「好多偉大嘅喜劇家都講過，『我嘅悲劇咪就係你嘅喜劇囉』。每個年代都有屬於佢嘅笑匠，我自己就好欣賞梁業。」梁業亦讚阿Dee是好優秀的男人：「佢喺鏡頭前任人點欺凌都唔反駁㗎！或者佢想反駁都冇人理，呢個咪佢講嗰個『悲劇』囉！我自己最鍾意《唐伯虎點秋香》隊穿腸嗰幕，真係數唔到睇咗幾多次。」

在外國長大的Jay Fung就最愛電影《命運自選台》：「Adam Richard Sandler真係好好笑，嗰種小人物好日常，好笑背後仲好有意思。」Jay又透露將會在音樂會上為觀眾呈現不一樣的自己，將會有突破性的演出，但就賣關子未有透露詳情。「我覺得阿Dee同梁業好搞笑，希望唔會唱唱吓笑到收唔到聲。」

東網網站 : https://on.cc/東網Facebook專頁 : https://www.facebook.com/onccnews/